1. Hvert á ég að senda fyrirspurnir ef ég hef spurningar varðandi fjallasund.is?
2. Ég nýskráði mig á fjallasund.is en fæ ekki staðfestingartölvupóst í innhólfið mitt?
3. Hvar get ég stundað fjallsundgöngur?
4. Hvernig syndi ég upp á fjall?
5. Verð ég að klára að synda upp á núverandi fjall til að geta byrjað á því næsta?
6. Ég hef lokið við að synda upp á öll fjöllin. Get ég synt upp á fjöllin í annað sinn?
7. Ég á ekki góða gönguskó. Get ég samt stundað fjallsundgöngur?
8. Fjallið sem mig langar að synda upp á er ekki í boði. Hvað get ég gert?
9. Veðurspáin er ekki góð. Er ástæða til að fresta fjallsundgöngu?
10. Ég kann ekki að synda. Hvernig get ég stundað fjallsundgöngur?
1. Hvert á ég að senda fyrirspurnir ef ég hef spurningar varðandi fjallasund.is?
Ef einhverjar spurningar vakna eða vandamál koma upp varðandi fjallasund.is skal senda fyrirspurn á admin@camping-visp.ch á íslensku, þýsku eða ensku. Öllum fyrirspurnum verður svarað.
2. Ég nýskráði mig á fjallasund.is en fæ ekki staðfestingartölvupóst í innhólfið mitt?
Gakktu fyrst úr skugga um að uppgefið tölvupóstfang sé rétt skráð. Gáðu einnig í rulspósthólfið, því af og til eru staðfestingartölvupóstar vegna nýskráninga flokkaðir sem ruslpóstsendingar.
3. Hvar get ég stundað fjallsundgöngur?
Það eru aðeins tvær sundlaugar í heiminum sem bjóða upp á fjallsundgöngur: Sundlaug Akureyrar og Sundlaug Mühleye Visp í Sviss.
4. Hvernig syndi ég upp á fjall?
Til að átta þig á því hvernig þú ferð að því að synda upp á fjall skaltu fyrst skoða kennslumyndband til glöggvunar. En áður en þú getur skráð sund þín á ákveðið fjall þarftu fyrst að skrá þig inn eða nýskrá þig ef þú ert ekki nú þegar með reikning. Eftir innskráningu getur þú valið fjall úr fjallalistanum með því að smella á takkann „Synda upp á“. Eftir að fjall hefur verið valið getur þú skráð sundin þín í sundbókina og fylgst með framgangi fjallsundgöngunnar. Þannig syndir þú upp á fjallið!
5. Verð ég að klára að synda upp á núverandi fjall til að geta byrjað á því næsta?
Ef fjallið sem þú ert að synda upp á er erfitt uppsunds getur þú hvílt þig á því og valið annað léttara fjall til að synda upp á. Þannig getur þú safnað sundmetrum á mörg fjöll í einu – en til að fá sem mest út úr fjallsundgöngunni er mælt með að klára eitt fjall í einu og njóta útsýnisins frá fjallstoppnum áður en lagt er til sunds á það næsta.
6. Ég hef lokið við að synda upp á öll fjöllin. Get ég synt upp á fjöllin í annað sinn?
Hefur þú virkilega synt upp á öll fjöllin! Það þýðir að þú hefur synt meira en 106.511 metra, sem er samanlögð hæð allra fjalla sem í boði er að synda upp á. En hafðu engar áhyggjur, þú getur synt eins mörgum sinnum upp á fjöllin og þú vilt. Þú þarft hins vegar að klára að synda upp á öll fjöllin áður en þú getur byrjað að synda upp á þau „einu sinni enn“.
7. Ég á ekki góða gönguskó. Get ég samt stundað fjallsundgöngur?
Já, það góða við fjallsundgöngur er að eini útbúnaðurinn sem þú þarft er sundfatnaður. Gönguskór gera sundið bara erfiðara og mælt er með því að vera berfættur eða með blöðkur sem geta fleytt þér hraðar upp brattar og erfiðar fjallshlíðar.
8. Fjallið sem mig langar að synda upp á er ekki í boði. Hvað get ég gert?
Ef þú ert með fjall í huga sem ekki er meðal þeirra fjalla sem hér eru í boði og þig langar óskaplega mikið að synda upp á gætir þú sent tölvupóst á admin@camping-visp.ch á íslensku, þýsku eða ensku og óskað eftir því að fjallinu verði bætt við fjallalistann fyrir næsta sundtímabil.
9. Veðurspáin er ekki góð. Er ástæða til að fresta fjallsundgöngu?
Nei, fjallsundgöngur er hægt að stunda nánast í hvaða veðri sem er – svo framarlega að þú komist áhættulaust til sundlaugarinnar og aftur heim til þín. Þannig getur þú notið fjallsundgöngunnar áhyggjulaust, jafnvel í snarvitlausu veðri!
10. Ég kann ekki að synda. Hvernig get ég stundað fjallsundgöngur?
Þú getur stundað fjallsundgöngur jafnvel þó þú kunnir ekki að synda. Haltu þig bara á nógu grunnum stað í sundlauginni þannig að hausinn nái alltaf upp úr vatnsyfirborðinu og labbaðu þannig eftir öruggri sundleið. Þannig munt þú ná á toppinn á endanum þó hægfara sért. Það er þó mælt með því að þú skráir þig í sundkennslu og lærir réttu sundtökin til að ná betri tökum á fjallsundgöngunni.
