Täschhorn myndar suðurenda Mischabel fjallakeðjunnar. Þetta er ákaflega tilkomumikið fjall með þremur hryggjum og þremur hliðum. Það samanstendur að mestu af bergfellingum og leir, en norðvestan megin er jökulrönd sem minnkar verulega þegar neðar dregur og rennur að lokum saman við Kingletscher jökulinn. Frá Zermatt lítur Täschhorn út eins og kóróna Mischabels með kraftmiklum, grýttum topploga efst á kórónunni. Frá Saas-Fee er fjallið ekki eins áhrifamikið að sjá þar sem það virðist bara vera framhald af fjallinu Dom.

Að frátalinni kláfferjunni frá Saas-Fee til Längflue eru engin mannvirki til staðar á leiðinni á Täschhorn og það virðist standa eitt í eigin veröld. Það er skýli á Mischabeljoch sem er stysta leiðin að tindinum. Hinir skálarnir (Täschhütte, Kinhütte, Domhütte, Mischabelhütte, Längfluehütte) liggja ekki eins hátt og eru lengra í burtu. Allar leiðirnar á Täschhorn eru því mjög krefjandi, langar og erfiðar.

Við vesturrætur fjallsins er þorpið Täsch, sem gaf fjallinu nafn sitt, eða var það öfugt? Einnig hér gætu Sarasenar verið upphafsmenn nafnsinsþví á arabísku þýðir taj „kóróna“.

Loftslagsbreytingar hafa haft áhrif á Täschhorn. Sumar ferðir eru nú áhættusamar eða alls ekki lengur færar. Aðkoman frá Domhütte að Festi-Kinlücke (Grabenjoch) er aðgengileg. Þá leið ber hins vegar að forðast vegna mikils klakahruns sunnan megin við Kingletscher.