Weissmies er hæsti tindur Weissmies/Lagginhorn/Fletschhorn þríhyrningsins. Á nýrri kortum er það aðeins skráð sem 4.017 m, áður var hæðin gefin upp sem 4.023 m. Sex metra hæðartapið stafar af stórkostlegri bráðnun tindsins sem er eingöngu úr ís. Hinsvegar var annar tindur suðaustan við hæsta punkt (áður 3.965 m) uppfærður um sjö metra í 3.972 m.

Með fjallaskálunum Almagellerhütte og Weissmieshütte og kláfferjunni frá Saas-Grund um Chrizbode (Kreuzboden stöð) til Hohsaas er mjög auðvelt að komast á Weissmies og er tindurinn því einn af vinsælustu fjörkunum. Sérstaklega er mælt með leiðinni yfir norðanhrygginn. Að ná á tindinn er venjulega dagsferð (með Hohsaas kláfnum) en til að ná því þarf að taka fyrsta kláfinn upp.

Weissmies hefur orð á sér fyrir að vera „auðveldur fjarki“. En varúð! Fyrir vana fjallgöngumenn getur það verið auðvelt við góðar aðstæður. Hins vegar, eins og allir fjarkar, hefur fjallið sínar gildrur (sprungur, fallandi ís, grjóthrun, rötun, þrumuveður) sem mikilvægt er að huga að. Auk þess hefur Trift-jökullinn breyst mjög til hins verra á undanförnum árum og er leiðin oft erfið yfirferðar og ekki auðfundin. Sumarið 2017 og vorið 2018 urðu nokkuð stórir klakabrestir.